Harhna Editor & Publisher, Mizoram sorkara Prominent Press Representatives, Indian Federation of Small & Medium Newspapers State President lo ni tawh Pu C.Vulluaia hi MLA atan term 3 thlan tlin a lo ni tawh a, term khat Minister a lo ni tawh bawk. Zirna lamah MA, BT, LLB niin, politics a luh chilh hmain Middle School Headmaster te pawh a lo ni tawh a, sokar hna hun engemaw chen a lo thawk tawh a. Central YMA hruaitu pawimawh tak a lo ni tawh bawk a ni.

'Pathian leh kan ram tan' tiin MNF-ah rawng kan bawl ho laiin; Dr C. Vulluaia'n min boral san ta mai hi MNF leh Mizoram tan channa nasa tak a ni a. A kalsan tak a nupui Pi Remchhungi leh a tu leh fate zawng zawng Pathianin awmpuiin thlamuan zel se MNF chuan kan duh tak meuh a ni, tiin an thuchhuah ah an tarlang